اردو हिंदी
Ijazat Shayari | Shaahi Shayari

Ijazat

7 Shers

ijazat ho to main tasdiq kar lun teri zulfon se
suna hai zindagi ek KHub-surat dam hai saqi

Abdul Hamid Adam




main chahta hun ki tum hi mujhe ijazat do
tumhaari tarah se koi gale lagae mujhe

Bashir Badr




aat karne ki shab-e-wasl ijazat de do
mujh ko dam bhar ke liye ghair ki qismat de do

Bekhud Dehlvi




sham-e-KHema koi zanjir nahin ham-safaran
jis ko jaana hai chala jae ijazat kaisi

Irfan Siddiqi




tumhaara hijr mana lun agar ijazat ho
main dil kisi se laga lun agar ijazat ho

Jaun Eliya


Tags: | Ijazat | | Hijr | | 2 Lines Shayari |


tumhaari yaad mein jine ki aarzu hai abhi
kuchh apna haal sambhaalun agar ijazat ho

Jaun Eliya




sare jazbon ke bandh TuT gae
us ne bas ye kaha ijazat hai

Khwaja Sajid