دفعتاً ترک تعلق میں بھی رسوائی ہے
الجھے دامن کو چھڑاتے نہیں جھٹکا دے کر

آرزو لکھنوی

---

---

آپ اپنے سے برہمی کیسی
میں نہیں کوئی اور ہے یہ بھی

آرزو لکھنوی

---

---

بری سرشت نہ بدلی جگہ بدلنے سے
چمن میں آ کے بھی کانٹا گلاب ہو نہ سکا

آرزو لکھنوی

---

---

بھولی باتوں پہ تیری دل کو یقیں
پہلے آتا تھا اب نہیں آتا

آرزو لکھنوی

---

---

بھولے بن کر حال نہ پوچھ بہتے ہیں اشک تو بہنے دو
جس سے بڑھے بے چینی دل کی ایسی تسلی رہنے دو

آرزو لکھنوی

---

---

برسوں بھٹکا کیا اور پھر بھی نہ ان تک پہنچا
گھر تو معلوم تھا رستہ مجھے معلوم نہ تھا

آرزو لکھنوی

---

---

اول شب وہ بزم کی رونق شمع بھی تھی پروانہ بھی
رات کے آخر ہوتے ہوتے ختم تھا یہ افسانہ بھی

آرزو لکھنوی

---

---

اپنی اپنی گردش رفتار پوری کر تو لیں
دو ستارے پھر کسی دن ایک جا ہو جائیں گے

آرزو لکھنوی

---

---

اللہ اللہ حسن کی یہ پردہ داری دیکھیے
بھید جس نے کھولنا چاہا وہ دیوانہ ہوا

آرزو لکھنوی

---

---