جو دل رکھتے ہیں سینے میں وہ کافر ہو نہیں سکتے
محبت دین ہوتی ہے وفا ایمان ہوتی ہے

آرزو لکھنوی

---

---

جتنے حسن آباد میں پہونچے ہوش و خرد کھو کر پہونچے
مال بھی تو اتنے کا نہیں اب جتنا کچھ محصول پڑا

آرزو لکھنوی

---

---

جس قدر نفرت بڑھائی اتنی ہی قربت بڑھی
اب جو محفل میں نہیں ہے وہ تمہارے دل میں ہے

آرزو لکھنوی

---

---

جذب نگاہ شعبدہ گر دیکھتے رہے
دنیا انہیں کی تھی وہ جدھر دیکھے رہے

آرزو لکھنوی

---

---

جواب دینے کے بدلے وہ شکل دیکھتے ہیں
یہ کیا ہوا مرے چہرے کو عرض حال کے بعد

آرزو لکھنوی

---

---

جواب دینے کے بدلے وہ شکل دیکھتے ہیں
یہ کیا ہوا میرے چہرے کو عرض حال کے بعد

آرزو لکھنوی

---

---

آپ اپنے سے برہمی کیسی
میں نہیں کوئی اور ہے یہ بھی

آرزو لکھنوی

---

---

حسن و عشق کی لاگ میں اکثر چھیڑ ادھر سے ہوتی ہے
شمع کی شعلہ جب لہرائی اڑ کے چلا پروانہ بھی

آرزو لکھنوی

---

---

ہوش و بے ہوشی کی منزل ایک ہے رستے جدا
خشک و تر سارے جہاں کا لب بہ لب ساحل میں ہے

آرزو لکھنوی

---

---