اے غم زندگی نہ ہو ناراض
مجھ کو عادت ہے مسکرانے کی

عبد الحمید عدم

---

---

اے دوست محبت کے صدمے تنہا ہی اٹھانے پڑتے ہیں
رہبر تو فقط اس رستے میں دو گام سہارا دیتے ہیں

عبد الحمید عدم

---

---

عدمؔ روز اجل جب قسمتیں تقسیم ہوتی تھیں
مقدر کی جگہ میں ساغر و مینا اٹھا لایا

عبد الحمید عدم

---

---

آپ اک زحمت نظر تو کریں
کون بے ہوش ہو نہیں سکتا

عبد الحمید عدم

---

---

آنکھوں سے پلاتے رہو ساغر میں نہ ڈالو
اب ہم سے کوئی جام اٹھایا نہیں جاتا

عبد الحمید عدم

---

---

جس سے چھپنا چاہتا ہوں میں عدمؔ
وہ ستم گر جا بجا موجود ہے

عبد الحمید عدم

---

---

کچھ کچھ مری آنکھوں کا تصرف بھی ہے شامل
اتنا تو حسیں تو مرے گلفام نہیں ہے

عبد الحمید عدم

---

---

کسی جانب سے کوئی مہ جبیں آنے ہی والا ہے
مجھے یاد آ رہی ہے آج متھرا اور کاشی کی

عبد الحمید عدم

---

---

کسی حسیں سے لپٹنا اشد ضروری ہے
ہلال عید تو کوئی ثبوت عید نہیں

عبد الحمید عدم

---

---