آنکھ کا اعتبار کیا کرتے
جو بھی دیکھا وہ خواب میں دیکھا

عبد الحمید عدم

---

---

آنکھوں سے پلاتے رہو ساغر میں نہ ڈالو
اب ہم سے کوئی جام اٹھایا نہیں جاتا

عبد الحمید عدم

---

---

آپ اک زحمت نظر تو کریں
کون بے ہوش ہو نہیں سکتا

عبد الحمید عدم

---

---

عدمؔ روز اجل جب قسمتیں تقسیم ہوتی تھیں
مقدر کی جگہ میں ساغر و مینا اٹھا لایا

عبد الحمید عدم

---

---

اے دوست محبت کے صدمے تنہا ہی اٹھانے پڑتے ہیں
رہبر تو فقط اس رستے میں دو گام سہارا دیتے ہیں

عبد الحمید عدم

---

---

اے غم زندگی نہ ہو ناراض
مجھ کو عادت ہے مسکرانے کی

عبد الحمید عدم

---

---

اور تو دل کو نہیں ہے کوئی تکلیف عدمؔ
ہاں ذرا نبض کسی وقت ٹھہر جاتی ہے

عبد الحمید عدم

---

---

بعض اوقات کسی اور کے ملنے سے عدمؔ
اپنی ہستی سے ملاقات بھی ہو جاتی ہے

عبد الحمید عدم

---

---

بڑھ کے طوفان کو آغوش میں لے لے اپنی
ڈوبنے والے ترے ہاتھ سے ساحل تو گیا

عبد الحمید عدم

---

---