aaj dekha hai tujh ko der ke baad
aaj ka din guzar na jae kahin

Nasir Kazmi

---

---

naqsha uTha ke koi naya shahr DhunDhiye
is shahr mein to sab se mulaqat ho gai

Nida Fazli

---

---

milna jo na ho tum ko to kah do na milenge
ye kya kabhi parson hai kabhi kal hai kabhi aaj

Nooh Narvi

---

---

sunte rahe hain aap ke ausaf sab se hum
milne ka aap se kabhi mauqa nahin mila

Nooh Narvi

---

---

is qadar bas-ki roz milne se
KHatiron mein ghubar aawe hai

Shaikh Zahuruddin Hatim

---

---

muddat se aarzu hai KHuda wo ghaDi kare
hum tum piyen jo mil ke kahin ek ja shara

Shaikh Zahuruddin Hatim

---

---

jaane wale se mulaqat na hone pai
dil ki dil mein hi rahi baat na hone pai

Shakeel Badayuni

---

---