ابھی باقی ہے بچھڑنا اس سے
نا مکمل یہ کہانی ہے ابھی

طارق قمر

---

---

عجب غریبی کے عالم میں مر گیا اک شخص
کہ سر پہ تاج تھا دامن میں اک دعا بھی نہ تھی

طارق قمر

---

---

ایک مدت سے یہ منظر نہیں بدلا طارقؔ
وقت اس پار ہے ٹھہرا ہوا اس پار ہیں ہم

طارق قمر

---

---

ہر آدمی وہاں مصروف قہقہوں میں تھا
یہ آنسوؤں کی کہانی کسے سناتے ہم

طارق قمر

---

---

اس لہجے سے بات نہیں بن پائے گی
تلواروں سے کیسے کانٹے نکلیں گے

طارق قمر

---

---

اس سلیقے سے مجھے قتل کیا ہے اس نے
اب بھی دنیا یہ سمجھتی ہے کہ زندہ ہوں میں

طارق قمر

---

---

جیسے ممکن ہو ان اشکوں کو بچاؤ طارقؔ
شام آئی تو چراغوں کی ضرورت ہوگی

طارق قمر

---

---

کیسے رشتوں کو سمیٹیں یہ بکھرتے ہوئے لوگ
ٹوٹ جاتے ہیں یہی فیصلہ کرتے ہوئے لوگ

طارق قمر

---

---

کسی جواز کا ہونا ہی کیا ضروری ہے
اگر وہ چھوڑنا چاہے تو چھوڑ جائے مجھے

طارق قمر

---

---