برہمی حسن کو کچھ اور جلا دیتی ہے
وہ جمالی تیرا چہرہ وہ جلالی آنکھیں

خار دہلوی

---

---

چشم گریاں کی آبیاری سے
دل کے داغوں پہ پھر بہار آئی

خار دہلوی

---

---

چپکے سے سہہ رہا ہوں ستم تیرے بے وفا
میری خطا تو جب ہو کہ چوں کر رہا ہوں میں

خار دہلوی

---

---

خارؔ الفت کی بات جانے دو
زندگی کس کو سازگار آئی

خار دہلوی

---

---

میں نے مانا کہ عدو بھی ترا شیدائی ہے
فرق ہوتا ہے فدا ہونے میں مر جانے میں

خار دہلوی

---

---

محبت زلف کا آسیب جادو ہے نگاہوں کا
محبت فتنۂ محشر بلائے ناگہانی ہے

خار دہلوی

---

---

سچ تو یہ ہے کہ دعا نے نہ دوا نے رکھا
ہم کو زندہ ترے دامن کی ہوا نے رکھا

خار دہلوی

---

---

اٹھے نہ بیٹھ کر کبھی کوئے حبیب سے
اس در پے کیا گئے کہ اسی در کے ہو گئے

خار دہلوی

---

---

یہ نگری حسن والوں کی عجب نگری ہے اے ہم دم
کہ اس نگری میں آہوں کی بھی تاثیریں بدلتی ہیں

خار دہلوی

---

---