hala tu aur ghar aae mere kyun-kar yaqin kar lun
taKHayyul kyun na ho mera teri aawaz-e-pa kyun ho

Hakim Mohammad Ajmal Khan Shaida

---

---

charcha hamara ishq ne kyun ja-ba-ja kiya
dil us ko de diya to bhala kya bura kiya

Hakim Mohammad Ajmal Khan Shaida

---

---

dard ko rahne bhi de dil mein dawa ho jaegi
maut aaegi to ai hamdam shifa ho jaegi

Hakim Mohammad Ajmal Khan Shaida

---

---

duniya bas is se aur ziyaada nahin hai kuchh
kuchh roz hain guzarne aur kuchh guzar gae

Hakim Mohammad Ajmal Khan Shaida

---

---

mai na ho bu hi sahi kuchh to ho rindon ke liye
isi hile se bujhegi hawas-e-jam-e-shara

Hakim Mohammad Ajmal Khan Shaida

---

---

uKHsar par hai rang-e-haya ka farogh aaj
bose ka nam main ne liya wo nikhar gae

Hakim Mohammad Ajmal Khan Shaida

---

---

tassub bar-taraf masjid ho ya ho ku-e-but-KHana
rah-e-dildar par jata qadam yun bhi hai aur yun bhi

Hakim Mohammad Ajmal Khan Shaida

---

---

wo sar hi kya ki jis mein tumhaara na ho KHayal
wo dil hi kya ki jis mein tumhaara guzar na ho

Hakim Mohammad Ajmal Khan Shaida

---

---