اے جنوں پھر مرے سر پر وہی شامت آئی
پھر پھنسا زلفوں میں دل پھر وہی آفت آئی

آسی غازی پوری

---

---

اجازت ہو تو میں تصدیق کر لوں تیری زلفوں سے
سنا ہے زندگی اک خوبصورت دام ہے ساقی

عبد الحمید عدم

---

---

اگر دیکھے تمہاری زلف لے ڈس
الٹ جاوے کلیجا ناگنی کا

آبرو شاہ مبارک

---

---

ڈر خدا سیں خوب نئیں یہ وقت قتل عام کوں
صبح کوں کھولا نہ کر اس زلف خون آشام کوں

آبرو شاہ مبارک

---

---

جلتا ہے اب تلک تری زلفوں کے رشک سے
ہر چند ہو گیا ہے چمن کا چراغ گل

آبرو شاہ مبارک

---

---

کبھی بے دام ٹھہراویں کبھی زنجیر کرتے ہیں
یہ نا شاعر تری زلفاں کوں کیا کیا نام دھرتے ہیں

آبرو شاہ مبارک

---

---

یہ کھلے کھلے سے گیسو انہیں لاکھ تو سنوارے
مرے ہاتھ سے سنورتے تو کچھ اور بات ہوتی

آغا حشر کاشمیری

---

---