دل سے کیا پوچھتا ہے زلف گرہ گیر سے پوچھ
اپنے دیوانے کا احوال تو زنجیر سے پوچھ

امداد امام اثرؔ

---

---

زلفیں سینہ ناف کمر
ایک ندی میں کتنے بھنور

جاں نثاراختر

---

---

گئی تھی کہہ کے میں لاتی ہوں زلف یار کی بو
پھری تو باد صبا کا دماغ بھی نہ ملا

جلالؔ لکھنوی

---

---

اپنے سر اک بلا تو لینی تھی
میں نے وہ زلف اپنے سر لی ہے

جون ایلیا

---

---

اے زلف یار تجھ سے بھی آشفتہ تر ہوں میں
مجھ سا نہ کوئی ہوگا پریشان روزگار

جوشش عظیم آبادی

---

---

اس کے رخسار پر کہاں ہے زلف
شعلۂ حسن کا دھواں ہے زلف

جوشش عظیم آبادی

---

---

اس زلف پہ پھبتی شب دیجور کی سوجھی
اندھے کو اندھیرے میں بڑی دور کی سوجھی

جرأت قلندر بخش

---

---