نہ جھٹکو زلف سے پانی یہ موتی ٹوٹ جائیں گے
تمہارا کچھ نہ بگڑے گا مگر دل ٹوٹ جائیں گے

راجیندر کرشن

---

---

دیکھی تھی ایک رات تری زلف خواب میں
پھر جب تلک جیا میں پریشان ہی رہا

رضا عظیم آبادی

---

---

جب یار نے اٹھا کر زلفوں کے بال باندھے
تب میں نے اپنے دل میں لاکھوں خیال باندھے

محمد رفیع سودا

---

---

خیال زلف دوتا میں نصیرؔ پیٹا کر
گیا ہے سانپ نکل تو لکیر پیٹا کر

شاہ نصیر

---

---

اے مسلمانو بڑا کافر ہے وہ
جو نہ ہووے زلف گیراں کا مطیع

شیخ ظہور الدین حاتم

---

---

دل اس کی تار زلف کے بل میں الجھ گیا
سلجھے گا کس طرح سے یہ بستار ہے غضب

شیخ ظہور الدین حاتم

---

---

حاتمؔ اس زلف کی طرف مت دیکھ
جان کر کیوں بلا میں پھنستا ہے

شیخ ظہور الدین حاتم

---

---