اہل دل کے واسطے پیغام ہو کر رہ گئی
زندگی مجبوریوں کا نام ہو کر رہ گئی

گنیش بہاری طرز

---

---

درد الفت کا نہ ہو تو زندگی کا کیا مزا
آہ و زاری زندگی ہے بے قراری زندگی

غلام بھیک نیرنگ

---

---

مجھے زندگی کی دعا دینے والے
ہنسی آ رہی ہے تری سادگی پر

گوپال متل

---

---

کوئی خاموش زخم لگتی ہے
زندگی ایک نظم لگتی ہے

گلزار

---

---

ایک سیتا کی رفاقت ہے تو سب کچھ پاس ہے
زندگی کہتے ہیں جس کو رام کا بن باس ہے

حفیظ بنارسی

---

---

کبھی خرد کبھی دیوانگی نے لوٹ لیا
طرح طرح سے ہمیں زندگی نے لوٹ لیا

حفیظ بنارسی

---

---

بے تعلق زندگی اچھی نہیں
زندگی کیا موت بھی اچھی نہیں

حفیظ جالندھری

---

---