اس ڈوبتے سورج سے تو امید ہی کیا تھی
ہنس ہنس کے ستاروں نے بھی دل توڑ دیا ہے

مہیش چندر نقش

---

---

شام ہجراں بھی اک قیامت تھی
آپ آئے تو مجھ کو یاد آیا

مہیش چندر نقش

---

---

یہ اور بات کہ چاہت کے زخم گہرے ہیں
تجھے بھلانے کی کوشش تو ورنہ کی ہے بہت

محمود شام

---

---

اب تو کچھ بھی یاد نہیں ہے
ہم نے تم کو چاہا ہوگا

مظہر امام

---

---

درد دل کیا بیاں کروں رشکیؔ
اس کو کب اعتبار آتا ہے

محمد علی خاں رشکی

---

---

ہمارے گھر کی دیواروں پہ ناصرؔ
اداسی بال کھولے سو رہی ہے

ناصر کاظمی

---

---

جدائیوں کے زخم درد زندگی نے بھر دیے
تجھے بھی نیند آ گئی مجھے بھی صبر آ گیا

ناصر کاظمی

---

---