کفر و اسلام کی کچھ قید نہیں اے آتشؔ
شیخ ہو یا کہ برہمن ہو پر انساں ہووے

حیدر علی آتش

---

---

خود کو بکھرتے دیکھتے ہیں کچھ کر نہیں پاتے ہیں
پھر بھی لوگ خداؤں جیسی باتیں کرتے ہیں

افتخار عارف

---

---

سب سے پر امن واقعہ یہ ہے
آدمی آدمی کو بھول گیا

جون ایلیا

---

---

آدمی آدمی سے ملتا ہے
دل مگر کم کسی سے ملتا ہے

People meet each other, fairly frequently
But, meeting of hearts, seldom does one see

جگر مراد آبادی

---

---

آدمی کے پاس سب کچھ ہے مگر
ایک تنہا آدمیت ہی نہیں

جگر مراد آبادی

---

---

ادھر تیری مشیت ہے ادھر حکمت رسولوں کی
الٰہی آدمی کے باب میں کیا حکم ہوتا ہے

جوشؔ ملیح آبادی

---

---

سایہ ہے کم کھجور کے اونچے درخت کا
امید باندھئے نہ بڑے آدمی کے ساتھ

کیف بھوپالی

---

---