فرشتے سے بڑھ کر ہے انسان بننا
مگر اس میں لگتی ہے محنت زیادہ

الطاف حسین حالی

---

---

جانور آدمی فرشتہ خدا
آدمی کی ہیں سیکڑوں قسمیں

barbaric and human, angelic, divine
man, by many names, one may well define

الطاف حسین حالی

---

---

برا برے کے علاوہ بھلا بھی ہوتا ہے
ہر آدمی میں کوئی دوسرا بھی ہوتا ہے

انور شعور

---

---

آخر انسان ہوں پتھر کا تو رکھتا نہیں دل
اے بتو اتنا ستاؤ نہ خدارا مجھ کو

ارشد علی خان قلق

---

---

میری رسوائی کے اسباب ہیں میرے اندر
آدمی ہوں سو بہت خواب ہیں میرے اندر

اسعد بدایونی

---

---

مری زبان کے موسم بدلتے رہتے ہیں
میں آدمی ہوں مرا اعتبار مت کرنا

عاصمؔ واسطی

---

---

بنایا اے ظفرؔ خالق نے کب انسان سے بہتر
ملک کو دیو کو جن کو پری کو حور و غلماں کو

بہادر شاہ ظفر

---

---