بستی میں اپنی ہندو مسلماں جو بس گئے
انساں کی شکل دیکھنے کو ہم ترس گئے

کیفی اعظمی

---

---

کیا ترے شہر کے انسان ہیں پتھر کی طرح
کوئی نغمہ کوئی پائل کوئی جھنکار نہیں

کاملؔ بہزادی

---

---

بہت ہیں سجدہ گاہیں پر در جاناں نہیں ملتا
ہزاروں دیوتا ہیں ہر طرف انساں نہیں ملتا

خالد حسن قادری

---

---

پھول کر لے نباہ کانٹوں سے
آدمی ہی نہ آدمی سے ملے

خمارؔ بارہ بنکوی

---

---

غیب کا ایسا پرندہ ہے زمیں پر انساں
آسمانوں کو جو شہ پر پہ اٹھائے ہوئے ہے

خورشید اکبر

---

---

روپ رنگ ملتا ہے خد و خال ملتے ہیں
آدمی نہیں ملتا آدمی کے پیکر میں

خوشبیر سنگھ شادؔ

---

---

اس دور میں انسان کا چہرہ نہیں ملتا
کب سے میں نقابوں کی تہیں کھول رہا ہوں

مغیث الدین فریدی

---

---