وہ کون ہیں جنہیں توبہ کی مل گئی فرصت
ہمیں گناہ بھی کرنے کو زندگی کم ہے
who are those that seem to find the time for to repent
for us this life is too short to sin to heart's content
آنند نرائن ملا
آرزوؔ جام لو جھجک کیسی
پی لو اور دہشت گناہ گئی
آرزو لکھنوی
محبت نیک و بد کو سوچنے دے غیر ممکن ہے
بڑھی جب بے خودی پھر کون ڈرتا ہے گناہوں سے
آرزو لکھنوی
گنہگاروں میں شامل ہیں گناہوں سے نہیں واقف
سزا کو جانتے ہیں ہم خدا جانے خطا کیا ہے
چکبست برج نرائن
اک فرصت گناہ ملی وہ بھی چار دن
دیکھے ہیں ہم نے حوصلے پروردگار کے
فیض احمد فیض
کوئی سمجھے تو ایک بات کہوں
عشق توفیق ہے گناہ نہیں
if someone were to listen, one thing I will opine
Love is not a crime forsooth it is grace divine
فراق گورکھپوری
کیا کیجئے کشش ہے کچھ ایسی گناہ میں
میں ورنہ یوں فریب میں آتا بہار کے
گوپال متل