wo jo raat mujh ko baDe adab se salam kar ke chala gaya
use kya KHabar mere dil mein bhi kabhi aarzu-e-gunah thi

Ahmad Mushtaq

---

---

mere KHuda ne kiya tha mujhe asir-e-bahisht
mere gunah ne rihai mujhe dilai hai

Ahmad Nadeem Qasmi

---

---

KHud-parasti KHuda na ban jae
ehtiyatan gunah karta hun

Akbar Hyderabadi

---

---

guzar raha hun kisi jannat-e-jamal se main
gunah karta hua nekiyan kamata hua

Akhtar Razaa Saleemi

---

---

tazir-e-jurm-e-ishq hai be-sarfa mohtasib
baDhta hai aur zauq-e-gunah yan saza ke baad

Altaf Hussain Hali

---

---

zahid umid-e-rahmat-e-haq aur hajw-e-mai
pahle sharab pi ke gunah-gar bhi to ho

Ameer Minai

---

---

ishq mein wo bhi ek waqt hai jab
be-gunahi gunah hai pyare

Anand Narayan Mulla

---

---