وہ جو رات مجھ کو بڑے ادب سے سلام کر کے چلا گیا
اسے کیا خبر مرے دل میں بھی کبھی آرزوئے گناہ تھی

احمد مشتاق

---

---

مرے خدا نے کیا تھا مجھے اسیر بہشت
مرے گنہ نے رہائی مجھے دلائی ہے

احمد ندیم قاسمی

---

---

خود پرستی خدا نہ بن جائے
احتیاطاً گناہ کرتا ہوں

اکبر حیدرآبادی

---

---

گزر رہا ہوں کسی جنت جمال سے میں
گناہ کرتا ہوا نیکیاں کماتا ہوا

اختر رضا سلیمی

---

---

تعزیر جرم عشق ہے بے صرفہ محتسب
بڑھتا ہے اور ذوق گنہ یاں سزا کے بعد

الطاف حسین حالی

---

---

زاہد امید رحمت حق اور ہجو مئے
پہلے شراب پی کے گناہگار بھی تو ہو

امیر مینائی

---

---

عشق میں وہ بھی ایک وقت ہے جب
بے گناہی گناہ ہے پیارے

آنند نرائن ملا

---

---