ضد ہر اک بات پر نہیں اچھی
دوست کی دوست مان لیتے ہیں

داغؔ دہلوی

---

---

زیست سے تنگ ہو اے داغؔ تو جیتے کیوں ہو
جان پیاری بھی نہیں جان سے جاتے بھی نہیں

داغؔ دہلوی

---

---

ذکر مہر و وفا تو ہم کرتے
پر تمہیں شرمسار کون کرے

داغؔ دہلوی

---

---

ایک دن نقش قدم پر مرے بن جائے گی راہ
آج صحرا میں تو تنہا ہوں کہیں کوئی نہیں

دامودر ٹھاکر ذکی

---

---

عشق کی راہوں میں آیا ہے اک ایسا بھی مقام
صرف اک میں ہوں وہاں اہل زمیں کوئی نہیں

دامودر ٹھاکر ذکی

---

---

آخری وقت تلک ساتھ اندھیروں نے دیا
راس آتے نہیں دنیا کے اجالے مجھ کو

دانشؔ علیگڑھی

---

---

اپنے دشمن کو بھی خود بڑھ کے لگا لو سینے
بات بگڑی ہوئی اس طرح بنا لی جائے

دانشؔ علیگڑھی

---

---