شیو تو نہیں ہم پھر بھی ہم نے دنیا بھر کے زہر پئے
اتنی کڑواہٹ ہے منہ میں کیسے میٹھی بات کریں

عزیز بانو داراب وفا

---

---

سننے والے مرا قصہ تجھے کیا لگتا ہے
چور دروازہ کہانی کا کھلا لگتا ہے

عزیز بانو داراب وفا

---

---

تمام عمر کسی اور نام سے مجھ کو
پکارتا رہا اک اجنبی زبان میں وہ

عزیز بانو داراب وفا

---

---

ٹٹولتا ہوا کچھ جسم و جان تک پہنچا
وہ آدمی جو مری داستان تک پہنچا

عزیز بانو داراب وفا

---

---

تشنگی میری مسلم ہے مگر جانے کیوں
لوگ دے دیتے ہیں ٹوٹے ہوئے پیالے مجھ کو

عزیز بانو داراب وفا

---

---

عمر بھر راستے گھیرے رہے اس شخص کا گھر
عمر بھر خوف کے مارے نہ وہ باہر نکلا

عزیز بانو داراب وفا

---

---

اس کی ہر بات سمجھ کر بھی میں انجان رہی
چاندنی رات میں ڈھونڈا کیا جگنو وہ بھی

عزیز بانو داراب وفا

---

---