عجب خلوص عجب سادگی سے کرتا ہے
درخت نیکی بڑی خامشی سے کرتا ہے

اتل اجنبی

---

---

کسی درخت سے سیکھو سلیقہ جینے کا
جو دھوپ چھاؤں سے رشتہ بنائے رہتا ہے

اتل اجنبی

---

---

پتوں کو چھوڑ دیتا ہے اکثر خزاں کے وقت
خود غرضی ہی کچھ ایسی یہاں ہر شجر میں ہے

اتل اجنبی

---

---

سفر ہو شاہ کا یا قافلہ فقیروں کا
شجر مزاج سمجھتے ہیں راہگیروں کا

اتل اجنبی

---

---

یہ رہبر آج بھی کتنے پرانے لگتے ہیں
کہ پیڑ دور سے رستہ دکھانے لگتے ہیں

اتل اجنبی

---

---

یوں بھی ملی ہے مجھ کو مرے ضبط غم کی داد
اکثر وہ سر جھکائے ہوئے مسکرائے ہیں

ایاز جھانسوی

---

---

ہم چاہتے تھے ماہ درخشاں کو دیکھنا
اس نے ہمیں دریچے سے چہرہ دکھا دیا

عائشہ مسعود ملک

---

---