جینا بھی آ گیا مجھے مرنا بھی آ گیا
پہچاننے لگا ہوں تمہاری نظر کو میں

اصغر گونڈوی

---

---

کچھ ملتے ہیں اب پختگی عشق کے آثار
نالوں میں رسائی ہے نہ آہوں میں اثر ہے

اصغر گونڈوی

---

---

کیا کیا ہیں درد عشق کی فتنہ طرازیاں
ہم التفات خاص سے بھی بد گماں رہے

اصغر گونڈوی

---

---

کیا مستیاں چمن میں ہیں جوش بہار سے
ہر شاخ گل ہے ہاتھ میں ساغر لیے ہوئے

اصغر گونڈوی

---

---

لذت سجدۂ ہائے شوق نہ پوچھ
ہائے وہ اتصال ناز و نیاز

اصغر گونڈوی

---

---

لوگ مرتے بھی ہیں جیتے بھی ہیں بیتاب بھی ہیں
کون سا سحر تری چشم عنایت میں نہیں

اصغر گونڈوی

---

---

مائل شعر و غزل پھر ہے طبیعت اصغرؔ
ابھی کچھ اور مقدر میں ہے رسوا ہونا

اصغر گونڈوی

---

---