کم نہ تھی تیغ سے ادائے خرام
دوست دشمن کی شان سے نکلا

آرزو لکھنوی

---

---

کر پہلے دل پہ قابو جامے کی پھر خبر لے
دامن بچانے والے جاتی ہے آستیں بھی

آرزو لکھنوی

---

---

خالی نہ عندلیب کا سوز نفس گیا
وہ لو چلی کہ رنگ گلوں کا جھلس گیا

آرزو لکھنوی

---

---

خموش جلنے کا دل کے کوئی گواہ نہیں
کہ شعلہ سرخ نہیں ہے دھواں سیاہ نہیں

آرزو لکھنوی

---

---

خموشی میری معنی خیز تھی اے آرزو کتنی
کہ جس نے جیسا چاہا ویسا افسانہ بنا ڈالا

آرزو لکھنوی

---

---

خزاں کا بھیس بنا کر بہار نے مارا
مجھے دورنگئ لیل و نہار نے مارا

آرزو لکھنوی

---

---

خوشبو کہیں چھپی ہے محبت کے پھول کی
لی ایک سانس اور گلی تک مہک گئی

آرزو لکھنوی

---

---