نہیں وہ اگلی سی رونق دیار ہستی کی
تباہ کن کوئی طوفان تھا شباب نہ تھا

آرزو لکھنوی

---

---

نظر بچا کے جو آنسو کئے تھے میں نے پاک
خبر نہ تھی یہی دھبے بنیں گے دامن کے

آرزو لکھنوی

---

---

نگاہیں اس قدر قاتل کہ اف اف
ادائیں اس قدر پیاری کہ توبہ

آرزو لکھنوی

---

---

پھیل گئی بالوں میں سپیدی چونک ذرا کروٹ تو بدل
شام سے غافل سونے والے دیکھ تو کتنی رات رہی

آرزو لکھنوی

---

---

پھر چاہے تو نہ آنا او آن بان والے
جھوٹا ہی وعدہ کر لے سچی زبان والے

آرزو لکھنوی

---

---

پوچھا جو ان سے چاند نکلتا ہے کس طرح
زلفوں کو رخ پہ ڈال کے جھٹکا دیا کہ یوں

آرزو لکھنوی

---

---

راہ بر رہزن نہ بن جائے کہیں اس سوچ میں
چپ کھڑا ہوں بھول کر رستے میں منزل کا پتا

آرزو لکھنوی

---

---