جس قدر نفرت بڑھائی اتنی ہی قربت بڑھی
اب جو محفل میں نہیں ہے وہ تمہارے دل میں ہے

آرزو لکھنوی

---

---

جتنے حسن آباد میں پہونچے ہوش و خرد کھو کر پہونچے
مال بھی تو اتنے کا نہیں اب جتنا کچھ محصول پڑا

آرزو لکھنوی

---

---

جو دل رکھتے ہیں سینے میں وہ کافر ہو نہیں سکتے
محبت دین ہوتی ہے وفا ایمان ہوتی ہے

آرزو لکھنوی

---

---

جو کان لگا کر سنتے ہیں کیا جانیں رموز محبت کے
اب ہونٹ نہیں ہلنے پاتے اور پہروں باتیں ہوتی ہیں

آرزو لکھنوی

---

---

جوش جنوں میں وہ ترے وحشی کا چیخنا
بند اپنے ہاتھ سے در زنداں کیے ہوئے

آرزو لکھنوی

---

---

کہہ کے یہ اور کچھ کہا نہ گیا
کہ مجھے آپ سے شکایت ہے

آرزو لکھنوی

---

---

کم جو ٹھہرے جفا سے میری وفا
تو یہ پاسنگ ہے ترازو کا

آرزو لکھنوی

---

---