کشتی چلا رہا ہے مگر کس ادا کے ساتھ
ہم بھی نہ ڈوب جائیں کہیں نا خدا کے ساتھ

عبد الحمید عدم

---

---

کون انگڑائی لے رہا ہے عدمؔ
دو جہاں لڑکھڑائے جاتے ہیں

عبد الحمید عدم

---

---

خدا نے گڑھ تو دیا عالم وجود مگر
سجاوٹوں کی بنا عورتوں کی ذات ہوئی

عبد الحمید عدم

---

---

کسی حسیں سے لپٹنا اشد ضروری ہے
ہلال عید تو کوئی ثبوت عید نہیں

عبد الحمید عدم

---

---

کسی جانب سے کوئی مہ جبیں آنے ہی والا ہے
مجھے یاد آ رہی ہے آج متھرا اور کاشی کی

عبد الحمید عدم

---

---

کچھ کچھ مری آنکھوں کا تصرف بھی ہے شامل
اتنا تو حسیں تو مرے گلفام نہیں ہے

عبد الحمید عدم

---

---

لذت غم تو بخش دی اس نے
حوصلے بھی عدمؔ دیے ہوتے

عبد الحمید عدم

---

---