جی چاہتا ہے آج عدمؔ ان کو چھیڑئیے
ڈر ڈر کے پیار کرنے میں کوئی مزا نہیں

عبد الحمید عدم

---

---

جن کو دولت حقیر لگتی ہے
اف وہ کتنے امیر ہوتے ہیں

عبد الحمید عدم

---

---

جن سے انساں کو پہنچتی ہے ہمیشہ تکلیف
ان کا دعویٰ ہے کہ وہ اصل خدا والے ہیں

عبد الحمید عدم

---

---

جس سے چھپنا چاہتا ہوں میں عدمؔ
وہ ستم گر جا بجا موجود ہے

عبد الحمید عدم

---

---

جو اکثر بار ور ہونے سے پہلے ٹوٹ جاتے تھے
وہی خستہ شکستہ عہد و پیماں یاد آتے ہیں

عبد الحمید عدم

---

---

جنوں اب منزلیں طے کر رہا ہے
خرد رستہ دکھا کر رہ گئی ہے

عبد الحمید عدم

---

---

کبھی تو دیر و حرم سے تو آئے گا واپس
میں مے کدے میں ترا انتظار کر لوں گا

عبد الحمید عدم

---

---