اردو हिंदी
Angdaai Shayari | Shaahi Shayari

Angdaai

19 Shers

kaun angDai le raha hai 'adam'
do jahan laDkhaDae jate hain

Abdul Hamid Adam




shaKH-e-gul jhum ke gulzar mein sidhi jo hui
phir gaya aankh mein naqsha teri angDai ka

Agha Hajju Sharaf




had-e-takmil ko pahunchi teri ranai-e-husn
jo kasar thi wo miTa di teri angDai ne

Anand Narayan Mulla




apne markaz ki taraf mail-e-parwaz tha husn
bhulta hi nahin aalam teri angDai ka

Aziz Lakhnavi




dil ka kya haal kahun subh ko jab us but ne
le ke angDai kaha naz se hum jate hain

how to describe my state when at the crack of dawn
she stretched in lagour and said it was time to be gone

Dagh Dehlvi


Tags: | Angdaai | | Dil | | 4 Lines Shayari |


kaun ye le raha hai angDai
aasmanon ko nind aati hai

Firaq Gorakhpuri




dariya-e-husn aur bhi do hath baDh gaya
angDai us ne nashshe mein li jab uTha ke hath

Imam Bakhsh Nasikh