شمع کی طرح سے جلنا سیکھ اوروں کے لئے
گر تمنا دل میں ہے تو رونق محفل بنے

احمد شاہد خاں

---

---

یہ گتھی کب سے میں سلجھا رہا ہوں
جہاں سے میں ہوں یا مجھ سے جہاں ہے

احمد شاہد خاں

---

---

ابھی ہمیں گزارنی ہے ایک عمر مختصر
مگر ہماری عمر مختصر میں کتنی دیر ہے

احمد شہریار

---

---

فقیر شہر بھی رہا ہوں شہریارؔ بھی مگر
جو اطمینان فقر میں ہے تاج و تخت میں نہیں

احمد شہریار

---

---

حد گماں سے ایک شخص دور کہیں چلا گیا
میں بھی وہیں چلا گیا میں بھی گزشتگاں میں تھا

احمد شہریار

---

---

ہمارے شہر کی روایتوں میں ایک یہ بھی تھا
دعا سے قبل پوچھنا اثر میں کتنی دیر ہے

احمد شہریار

---

---

علم کا دم بھرنا چھوڑو بھی اور عمل کو بھول بھی جاؤ
آئینہ خانے میں ہو صاحب فکر کرو حیرانی کی

احمد شہریار

---

---