ہم نے اس کے لب و رخسار کو چھو کر دیکھا
حوصلے آگ کو گلزار بنا دیتے ہیں

قابل اجمیری

---

---

کون یاد آ گیا اذاں کے وقت
بجھتا جاتا ہے دل چراغ جلے

قابل اجمیری

---

---

خود تمہیں چاک گریباں کا شعور آ جائے گا
تم وہاں تک آ تو جاؤ ہم جہاں تک آ گئے

قابل اجمیری

---

---

کتنے شوریدہ سر محبت میں
ہو گئے کوچۂ صنم کی خاک

قابل اجمیری

---

---

کوئی دیوانہ چاہے بھی تو لغزش کر نہیں سکتا
ترے کوچے میں پاؤں لڑکھڑانا بھول جاتے ہیں

قابل اجمیری

---

---

کچھ اور بڑھ گئی ہے اندھیروں کی زندگی
یوں بھی ہوا ہے جشن چراغاں کبھی کبھی

قابل اجمیری

---

---

کچھ دیر کسی زلف کے سائے میں ٹھہر جائیں
قابلؔ غم دوراں کی ابھی دھوپ کڑی ہے

قابل اجمیری

---

---