اب یہ عالم ہے کہ غم کی بھی خبر ہوتی نہیں
اشک بہہ جاتے ہیں لیکن آنکھ تر ہوتی نہیں

قابل اجمیری

---

---

ابھی تو تنقید ہو رہی ہے مرے مذاق جنوں پہ لیکن
تمہاری زلفوں کی برہمی کا سوال آیا تو کیا کرو گے

قابل اجمیری

---

---

بہت کام لینے ہیں درد جگر سے
کہیں زندگی کو قرار آ نہ جائے

قابل اجمیری

---

---

دن چھپا اور غم کے سائے ڈھلے
آرزو کے نئے چراغ جلے

قابل اجمیری

---

---

غم جہاں کے تقاضے شدید ہیں ورنہ
جنون کوچۂ دلدار ہم بھی رکھتے ہیں

قابل اجمیری

---

---

حیرتوں کے سلسلے سوز نہاں تک آ گئے
ہم نظر تک چاہتے تھے تم تو جاں تک آ گئے

قابل اجمیری

---

---

ہم بدلتے ہیں رخ ہواؤں کا
آئے دنیا ہمارے ساتھ چلے

قابل اجمیری

---

---