موسم گل ابھی نہیں آیا
چل دیئے گھر میں ہم لگا کر آگ

نوح ناروی

---

---

مذہب عشق و وفا مجھ کو یہ دیتا ہے صلاح
تو جو کافر نہیں ہوتا تو مسلماں بھی نہ ہو

نوح ناروی

---

---

ملنا جو نہ ہو تم کو تو کہہ دو نہ ملیں گے
یہ کیا کبھی پرسوں ہے کبھی کل ہے کبھی آج

نوح ناروی

---

---

مجھ کو خیال ابروئے خمدار ہو گیا
خنجر ترا گلے کا مرے ہار ہو گیا

نوح ناروی

---

---

مجھ کو نظروں کے لڑانے سے ہے کام
آپ کو آنکھیں دکھانے سے غرض

نوح ناروی

---

---

مجھ کو یہ فکر کہ دل مفت گیا ہاتھوں سے
ان کو یہ ناز کہ ہم نے اسے چھینا کیسا

نوح ناروی

---

---

نہ ملو کھل کے تو چوری کی ملاقات رہے
ہم بلائیں گے تمہیں رات گئے رات رہے

نوح ناروی

---

---