چاہئے تھی شمع اس تاریک گھر کے واسطے
خانۂ دل میں چراغ عشق روشن ہو گیا

نوح ناروی

---

---

چلو نوحؔ تم کو دکھا لائیں تم نے
نہ مے خانہ دیکھا نہ بت خانہ دیکھا

نوح ناروی

---

---

دم جو نکلا تو مدعا نکلا
ایک کے ساتھ دوسرا نکلا

نوح ناروی

---

---

دکھائے پانچ عالم اک پیام شوق نے مجھ کو
الجھنا روٹھنا لڑنا بگڑنا دور ہو جانا

نوح ناروی

---

---

دل اپنا کہیں ٹھہرے تو ہم بھی کہیں ٹھہریں
اس کوچے میں آ رہنا اس کوچے میں جا رہنا

نوح ناروی

---

---

دل جو دے کر کسی کافر کو پریشاں ہو جائے
عافیت اس کی ہے اس میں کہ مسلماں ہو جائے

نوح ناروی

---

---

دل کے دو حصے جو کر ڈالے تھے حسن و عشق نے
ایک صحرا بن گیا اور ایک گلشن ہو گیا

نوح ناروی

---

---