اشکوں کے ٹپکنے پر تصدیق ہوئی اس کی
بے شک وہ نہیں اٹھتے آنکھوں سے جو گرتے ہیں

نوح ناروی

---

---

اسیران قفس کو واسطہ کیا ان جھمیلوں سے
چمن میں کب خزاں آئی چمن میں کب بہار آئی

نوح ناروی

---

---

برباد وفا ہو کر مسجود جہاں دل ہو
آدھے میں بنے مسجد آدھے میں صنم خانہ

نوح ناروی

---

---

برہمن اس کے ہیں شیخ اس کے ہیں راہب اس کے
دیر اس کا حرم اس کا ہے کلیسا اس کا

نوح ناروی

---

---

برسوں رہے ہیں آپ ہماری نگاہ میں
یہ کیا کہا کہ ہم تمہیں پہچانتے نہیں

نوح ناروی

---

---

بے وجہ محبت سے نہیں بول رہے ہیں
وہ باتوں ہی باتوں میں مجھے کھول رہے ہیں

نوح ناروی

---

---

بھری محفل میں ان کو چھیڑنے کی کیا ضرورت تھی
جناب نوح تم سا بھی نہ کوئی بے ادب ہوگا

نوح ناروی

---

---