دل کو تم شوق سے لے جاؤ مگر یاد رہے
یہ نہ میرا نہ تمہارا نہ کسی کا ہوگا

نوح ناروی

---

---

دل میں گھٹ گھٹ کر انہیں رہتے زمانہ ہو گیا
میری فریادیں بھی اب آمادۂ فریاد ہیں

نوح ناروی

---

---

دل نذر کرو ظلم سہو ناز اٹھاؤ
اے اہل تمنا یہ ہیں ارکان تمنا

نوح ناروی

---

---

دل انہیں دیں گے مگر ہم دیں گے ان شرطوں کے ساتھ
آزما کر جانچ کر سن کر سمجھ کر دیکھ کر

نوح ناروی

---

---

دوستی کو برا سمجھتے ہیں
کیا سمجھ ہے وہ کیا سمجھتے ہیں

نوح ناروی

---

---

دوں گا جواب میں بھی بڑی شد و مد کے ساتھ
لکھا ہے اس نے مجھ کو بڑے کر و فر سے خط

نوح ناروی

---

---

فتنے دبے دبائے تھے جتنے پڑے ہوئے
بیٹھے کہیں ہو تم تو وہ سب اٹھ کھڑے ہوئے

نوح ناروی

---

---