ادا آئی جفا آئی غرور آیا حجاب آیا
ہزاروں آفتیں لے کر حسینوں پر شباب آیا

نوح ناروی

---

---

اے دیر و حرم والو تم دل کی طرف دیکھو
کعبے کا یہ کعبہ ہے بت خانے کا بت خانہ

نوح ناروی

---

---

اے نوحؔ آتے جاتے ہیں دونوں گھروں میں ہم
بت خانہ ہے قریب بہت خانقاہ سے

نوح ناروی

---

---

اے نوحؔ کھل چلے تھے وہ ہم سے شب وصال
اتنے میں آفتاب نمودار ہو گیا

نوح ناروی

---

---

اے نوحؔ نہ ترک شاعری ہو
بے کار مباش کچھ کیا کر

نوح ناروی

---

---

اے نوحؔ توبہ عشق سے کر لی تھی آپ نے
پھر تانک جھانک کیوں ہے یہ پھر دیکھ بھال کیا

نوح ناروی

---

---

اللہ رے ان کے حسن کی معجز نمائیاں
جس بام پر وہ آئیں وہی کوہ طور ہو

نوح ناروی

---

---