ہم بہت پچھتائے آوازوں سے رشتہ جوڑ کر
شور اک لمحے کا تھا اور زندگی بھر کا سکوت

نعمان شوق

---

---

ہم بھی ماچس کی تیلیوں سے تھے
جو ہوا صرف ایک بار ہوا

نعمان شوق

---

---

ہم جیسوں نے جان گنوائی پاگل تھے
دنیا جیسی کل تھی بالکل ویسی ہے

نعمان شوق

---

---

ہم کو ڈرا کر، آپ کو خیرات بانٹ کر
اک شخص راتوں رات جہانگیر ہو گیا

نعمان شوق

---

---

ہمیں برا نہیں لگتا سفید کاغذ بھی
یہ تتلیاں تو تمہارے لئے بناتے ہیں

نعمان شوق

---

---

ہر متقی کو اس سے سبق لینا چاہئے
جنت کی چاہ نے جسے شداد کر دیا

نعمان شوق

---

---

اس بار انتظام تو سردی کا ہو گیا
کیا حال پیڑ کٹتے ہی بستی کا ہو گیا

نعمان شوق

---

---