جی میں آتا ہے کہ دیں پردے سے پردے کا جواب
ہم سے وہ پردہ کریں دنیا سے ہم پردا کریں

نذیر بنارسی

---

---

مری بے زبان آنکھوں سے گرے ہیں چند قطرے
وہ سمجھ سکیں تو آنسو نہ سمجھ سکیں تو پانی

نذیر بنارسی

---

---

راستہ روکے ہوئے کب سے کھڑی ہے دنیا
نہ ادھر ہوتی ہے ظالم نہ ادھر ہوتی ہے

نذیر بنارسی

---

---

عمر بھر کی بات بگڑی اک ذرا سی بات میں
ایک لمحہ زندگی بھر کی کمائی کھا گیا

نذیر بنارسی

---

---

وہ آئنہ ہوں جو کبھی کمرے میں سجا تھا
اب گر کے جو ٹوٹا ہوں تو رستے میں پڑا ہوں

نذیر بنارسی

---

---

یہ عنایتیں غضب کی یہ بلا کی مہربانی
مری خیریت بھی پوچھی کسی اور کی زبانی

نذیر بنارسی

---

---

یہ کریں اور وہ کریں ایسا کریں ویسا کریں
زندگی دو دن کی ہے دو دن میں ہم کیا کیا کریں

نذیر بنارسی

---

---