یار کے آگے پڑھا یہ ریختہ جا کر نظیرؔ
سن کے بولا واہ واہ اچھا کہا اچھا کہا

نظیر اکبرآبادی

---

---

یہ جواہرخانۂ دنیا جو ہے با آب و تاب
اہل صورت کا ہے دریا اہل معنی کا سراب

نظیر اکبرآبادی

---

---

یوں تو ہم کچھ نہ تھے پر مثل انار و مہتاب
جب ہمیں آگ لگائی تو تماشا نکلا

نظیر اکبرآبادی

---

---

یوں تو ہم تھے یوں ہی کچھ مثل انار و مہتاب
جب ہمیں آگ دکھائے تو تماشا نکلا

نظیر اکبرآبادی

---

---

زمانے کے ہاتھوں سے چارہ نہیں ہے
زمانہ ہمارا تمہارا نہیں ہے

نظیر اکبرآبادی

---

---

آنکھ بھر عشق اور بدن بھر چاہ
شکر لب بھر گلہ زباں بھر تھا

نذیر آزاد

---

---

آباد ہے اس دل کا جہاں جس کے قدم سے
وہ مجھ کو پکارے ہے کسی اور جہاں سے

نذیر آزاد

---

---