اب تک ہماری عمر کا بچپن نہیں گیا
گھر سے چلے تھے جیب کے پیسے گرا دیے

نشتر خانقاہی

---

---

بچھڑ کر اس سے سیکھا ہے تصور کو بدن کرنا
اکیلے میں اسے چھونا اکیلے میں سخن کرنا

نشتر خانقاہی

---

---

مری قیمت کو سنتے ہیں تو گاہک لوٹ جاتے ہیں
بہت کمیاب ہو جو شے وہ ہوتی ہے گراں اکثر

نشتر خانقاہی

---

---

پرسش حال سے غم اور نہ بڑھ جائے کہیں
ہم نے اس ڈر سے کبھی حال نہ پوچھا اپنا

نشتر خانقاہی

---

---

دیوار خستہ حال ہے اور در اداس ہے
جب سے کوئی گیا ہے مرا گھر اداس ہے

ناصر بشیر

---

---

تا ابد جس کا نہ سایا جائے
پیڑ ایسا بھی لگایا جائے

ناصر بشیر

---

---

ہچکیاں رات درد تنہائی
آ بھی جاؤ تسلیاں دے دو

ناصر جونپوری

---

---