کس جفا کار سے ہم عہد وفا کر بیٹھے
آخر اس بات نے اک روز پشیمان کیا

محمد امان نثار

---

---

کیا فسوں تو نے خدا جانے یہ ہم پر مارا
تجھ سے پھرتا نہیں دل ہم نے بہت سر مارا

محمد امان نثار

---

---

مت منہ سے نثارؔ اپنے کو اے جان برا کہہ
ہے صاحب غیرت کہیں کچھ کھا کے نہ مر جائے

محمد امان نثار

---

---

مجھ میں اور ان میں سبب کیا جو لڑائی ہوگی
یہ ہوائی کسی دشمن نے اڑائی ہوگی

محمد امان نثار

---

---

تھا جنہیں حسن پرستی سے ہمیشہ انکار
وہ بھی اب طالب دیدار ہیں کن کے ان کے

محمد امان نثار

---

---

داور حشر مرا نامۂ اعمال نہ دیکھ
اس میں کچھ پردہ نشینوں کے بھی نام آتے ہیں

محمد دین تاثیر

---

---

ہمیں بھی دیکھ کہ ہم آرزو کے صحرا میں
کھلے ہوئے ہیں کسی زخم آرزو کی طرح

محمد دین تاثیر

---

---