رموز عشق و محبت سے آشنا ہوں میں
کسی کو غمزدہ دیکھا تو رو دیا ہوں میں

متین نیازی

---

---

تری سمجھ میں نہ آ سکے گی کسی کے اشکوں کی قدر و قیمت
ابھی ہے ناآشنائے غم تو ابھی ترا دل دکھا نہیں ہے

متین نیازی

---

---

طوفاں سے بچ کے ڈوبی ہے کشتی کہاں نہ پوچھ
ساحل بھی اعتبار کے قابل نہیں رہا

متین نیازی

---

---

یہی آئنہ ہے وہ آئینہ جو لئے ہے جلوۂ آگہی
یہ جو شاعری کا شعور ہے یہ پیمبری کی تلاش ہے

متین نیازی

---

---

یہ زندگی جسے اپنا سمجھ رہے ہیں سب
ہے مستعار فقط رونق جہاں کے لیے

متین نیازی

---

---

زندگی کی بھی یقیناً کوئی منزل ہوگی
یہ سفر ہی کی طرح ایک سفر ہے کہ نہیں

متین نیازی

---

---

کلیوں کو کھل کے ہنسنے کا انداز آ گیا
گلشن میں آ کے تم جو ذرا مسکرا گئے

مائل خیرآبادی

---

---