تھی جنوں آمیز اپنی گفتگو
بات مطلب کی بھی لیکن کہہ گئے

میکش اکبرآبادی

---

---

تری زلفوں کو کیا سلجھاؤں اے دوست
مری راہوں میں پیچ و خم بہت ہیں

میکش اکبرآبادی

---

---

یہ مسلک اپنا اپنا ہے یہ فطرت اپنی اپنی ہے
جلاؤ آشیاں تم ہم کریں گے آشیاں پیدا

میکش اکبرآبادی

---

---

زباں پہ نام محبت بھی جرم تھا یعنی
ہم ان سے جرم محبت بھی بخشوا نہ سکے

میکش اکبرآبادی

---

---

ایسے چھوتے ہیں تصور میں تجھے ہم چپ چاپ
جیسے پھولوں کو چھوا کرتی ہے شبنم چپ چاپ

مجاز جے پوری

---

---

کب کا گزر چکا ہے دیوانگی کا عالم
پھر بھی مجازؔ اپنا دامن رفو کرے ہے

مجاز جے پوری

---

---

میری آنکھیں ہیں ترے حسن کی گویا تصویر
میں نے دیکھا ہے ترے حسن کا عالم چپ چاپ

مجاز جے پوری

---

---