نے گل کو ہے ثبات نہ ہم کو ہے اعتبار
کس بات پر چمن ہوس رنگ و بو کریں

خواجہ میر دردؔ

---

---

قاصد نہیں یہ کام ترا اپنی راہ لے
اس کا پیام دل کے سوا کون لا سکے

خواجہ میر دردؔ

---

---

قتل سے میرے وہ جو باز رہا
کسی بد خواہ نے کہا ہوگا

خواجہ میر دردؔ

---

---

قتل عاشق کسی معشوق سے کچھ دور نہ تھا
پر ترے عہد سے آگے تو یہ دستور نہ تھا

خواجہ میر دردؔ

---

---

رات مجلس میں ترے حسن کے شعلے کے حضور
شمع کے منہ پہ جو دیکھا تو کہیں نور نہ تھا

خواجہ میر دردؔ

---

---

روندے ہے نقش پا کی طرح خلق یاں مجھے
اے عمر رفتہ چھوڑ گئی تو کہاں مجھے

خواجہ میر دردؔ

---

---

ساقی مرے بھی دل کی طرف ٹک نگاہ کر
لب تشنہ تیری بزم میں یہ جام رہ گیا

خواجہ میر دردؔ

---

---