ہو گیا مہماں سرائے کثرت موہوم آہ
وہ دل خالی کہ تیرا خاص خلوت خانہ تھا

خواجہ میر دردؔ

---

---

جان سے ہو گئے بدن خالی
جس طرف تو نے آنکھ بھر دیکھا

خواجہ میر دردؔ

---

---

جگ میں آ کر ادھر ادھر دیکھا
تو ہی آیا نظر جدھر دیکھا

خواجہ میر دردؔ

---

---

جی کی جی ہی میں رہی بات نہ ہونے پائی
حیف کہ اس سے ملاقات نہ ہونے پائی

خواجہ میر دردؔ

---

---

کاش اس کے رو بہ رو نہ کریں مجھ کو حشر میں
کتنے مرے سوال ہیں جن کا نہیں جواب

خواجہ میر دردؔ

---

---

کہتے نہ تھے ہم دردؔ میاں چھوڑو یہ باتیں
پائی نہ سزا اور وفا کیجئے اس سے

خواجہ میر دردؔ

---

---

کمر خمیدہ نہیں بے سبب ضعیفی میں
زمین ڈھونڈتے ہیں وہ مزار کے قابل

خواجہ میر دردؔ

---

---