زیست کا اک گناہ کر سکے نہ ہم
سانس کے واسطے بھی مر سکے نہ ہم

خمار قریشی

---

---

تم میری مسافت کے لیے آخری حد ہو
اب تم سے پرے راہ گزر کوئی نہیں ہے

خرم خلیق

---

---

آمد کا تری جب کوئی امکان نہیں ہے
کب تک دل بے تاب یوں ہی تھام رکھیں ہم

خرم خرام صدیقی

---

---

آتے آتے آئے گی دنیا داری
جاتے جاتے فاقہ مستی جائے گی

خورشید اکبر

---

---

اے شہر ستم زاد تری عمر بڑی ہو
کچھ اور بتا نقل مکانی کے علاوہ

خورشید اکبر

---

---

بڑی بھولی ہے خرچیلی ضرورت
شہنشاہی کمائی مانگتی ہے

خورشید اکبر

---

---

بدن میں سانس لیتا ہے سمندر
مری کشتی ہوا پر چل رہی ہے

خورشید اکبر

---

---