مرثیہ ہوں میں غلاموں کی خوش الہامی کا
شاہ کے حق میں قصیدہ نہیں ہونے والا

خورشید اکبر

---

---

میرے اس کے بیچ کا رشتہ اک مجبور ضرورت ہے
میں سوکھے جذبوں کا ایندھن وہ ماچس کی تیلی سی

خورشید اکبر

---

---

مٹھی سے ریت پاؤں سے کانٹا نکل نہ جائے
میں دیکھتا رہوں کہیں دنیا نکل نہ جائے

خورشید اکبر

---

---

نہ جانے کتنے بھنور کو رلا کے آئی ہے
یہ میری کشتیٔ جاں خود کو پار کرتی ہوئی

خورشید اکبر

---

---

نہ جانے کیا لکھا تھا اس نے دیوار برہنہ پر
سلامت رہ نہ پائی ایک بھی تحریر پانی میں

خورشید اکبر

---

---

قرآن کا مفہوم انہیں کون بتائے
آنکھوں سے جو چہروں کی تلاوت نہیں کرتے

خورشید اکبر

---

---

روتا ہوں تو سیلاب سے کٹتی ہیں زمینیں
ہنستا ہوں تو ڈھ جاتے ہیں کہسار مری جاں

خورشید اکبر

---

---