سب کو مارا جگرؔ کے شعروں نے
اور جگرؔ کو شراب نے مارا

جگر مراد آبادی

---

---

صبا یہ ان سے ہمارا پیام کہہ دینا
گئے ہو جب سے یہاں صبح و شام ہی نہ ہوئی

جگر مراد آبادی

---

---

سبھی انداز حسن پیارے ہیں
ہم مگر سادگی کے مارے ہیں

جگر مراد آبادی

---

---

صداقت ہو تو دل سینوں سے کھنچنے لگتے ہیں واعظ
حقیقت خود کو منوا لیتی ہے مانی نہیں جاتی

جگر مراد آبادی

---

---

صحن چمن کو اپنی بہاروں پہ ناز تھا
وہ آ گئے تو ساری بہاروں پہ چھا گئے

جگر مراد آبادی

---

---

تصویر کے دو رخ ہیں جاں اور غم جاناں
اک نقش چھپانا ہے اک نقش دکھانا ہے

جگر مراد آبادی

---

---

تیری آنکھوں کا کچھ قصور نہیں
ہاں مجھی کو خراب ہونا تھا

جگر مراد آبادی

---

---